自從忌廉的出現, 改變了我的生活, 每天放工很想早點回家陪陪忌廉, 每天在看有關貓的網頁.

忌廉小冊子

大便

每次去完大便, 忌廉都變得異常興憤, 會衝來衝去, 唔通頭先用完力便便事後一身鬆? 一回跳上sofa亂咬, 個頭會好似機械人般一格格郁動, 雙眼望住某d野(空氣)腦袋唔知想緊咩, 一回又會衝入睡房, 再由睡房急衝而出, 當我看到她的行為, 我就知道要走入貓沙盤做下清理工作了.

捉老鼠

我家當然沒老鼠, 但忌廉可能係天性既引發, 每見到小毛公仔, 就以為是老鼠吧, 踢著公仔又咬起, 咬在口中, 喉嚨頂還發出瓜瓜聲, 再唔係將公仔咬到我腳下, 不知用意是否要告訴我她做了一件好事 ? 這刻我會摸摸她的頭, 然後將公仔拋到老遠等她去追, 我在訓練狗 ??

扯鼻寒

之前從沒想過貓也會如人般扯鼻寒, 仲係好大聲, 大聲到我不能入睡, 每次推開忌廉叫她回自己的床訓, 她扮傻不明白, 然後扮腳仔軟, 身體一跌就訓低話之我講緊咩, 半夜又趁我好夢正甜古古惑惑行返埋我枕頭邊訓, 看到她的行為覺得她很聰明又愛撒嬌, 嬲又嬲唔落, 每次同朋友訴苦, 但卻是邊說邊笑著, 點解我會笑呢 ?

玩樂

時空的交錯, 人要日出而作, 日入而息, 但貓就剛相反, 每晚忌廉會訓的好好地時, 突然會起身舔下毛, 突然跳下床去食貓糧, 最離譜既係將她自己的玩具, 波波毛公仔全咬到我床上面來, 想點丫你忌廉? 我好眼訓咖.

早晨

發覺忌廉每朝都會早過我訓醒, 每朝當我身體有小小動作, 例如轉個身, 眨下眼, 忌廉就會不斷用頭雷我的臉, 雷我的手, 目的只得一個就是要我起床才罷休

貓草

只要一打開放貓草的膠袋, 我發覺忌廉的瞳孔就會增大, 朝著貓草的方向不斷找尋, 很多人說貓草似大麻都几貼切, 因為呢刻的忌廉比平日來得更肉緊, 不斷用頭雷丫雷, 身體不斷打滾, 感覺她是high在期中.